દર વર્ષે નવી શરૂઆત સાથે આવે છે નવી આશાઓ, સપનાઓ, અને અભ્યાસના ક્ષેત્રમાં નવા ધ્યેય સાથે. આ વર્ષે પણ, અમારા કોલેજમાં શૈક્ષણિક વર્ષના આરંભને વિશેષ બનાવતા, એક સાંસ્કૃતિક કાર્યક્રમનું આયોજન કરવામાં આવ્યું. આ કાર્યક્રમનું નામ " आरब्घ -2024" આપીને, આ નવી શરૂઆતના મહત્વને ઉજવવાનો પ્રયાસ કરવામાં આવ્યો. આ કાર્યક્રમમાં વિદ્યાર્થીઓએ તેમની કલ્પનાશક્તિ, પ્રતિભા, અને વિચારશીલતાનો સંપૂર્ણ પરિચય આપ્યો. વિવિધ કૃતિઓ દ્વારા તેઓએ માત્ર સ્નાતકનું જીવન જ નહિ, પરંતુ સમાજ, સંસ્કૃતિ અને આધુનિક સમયમાં યુવાનોના મૂલ્યો અને ચિંતાઓનો વિચારને રજૂ કર્યો. ગાન, નૃત્ય અને કવિતા દ્વારા વિદ્યાર્થીઓએ તેમના વિચારોને જીવંત કરી, દર્શકોને મંત્રમુગ્ધ કરી દીધા. " आरब्घ -2024 "ના મુખ્ય આકર્ષણ તરીકે 'ફક્ત પુરુષો માટે' ફિલ્મના કલાકારોને આમંત્રિત કરવામાં આવેલ જેમના દ્વારા વિદ્યાર્થીઓને તેમના વિચારો અને સંઘર્ષોની વાતો કહી વિદ્યાર્થીઓને પોતાની કારકિર્દી ઘડતર માટે પ્રોત્સાહિત કરવામાં આવેલ. આ ઉપરાંત, વિવિધ લોકનૃત્ય અને મ્યુઝિક પરફોર્મન્સને રજૂ કરવામાં આવેલ જેમાં વિદ્યાર્થીઓએ ખૂબ જ અનેરો આનંદ પ્રાપ્ત કર્યો. આ સાંસ્કૃતિક કાર્યક્રમ "आरब्घ-2024" એ માત્ર મનોરંજન પૂરતું જ નહોતું, પણ તે નવી શરૂઆત સાથે જોડાયેલા ઉન્નતિના સંદેશોનો એક પ્રતિનિધિ પણ હતું. કોલેજના આચાર્ય અને શિક્ષકો દ્વારા વિદ્યાર્થીઓને નવી ઊંચાઈઓ પર પહોંચવા માટે પ્રોત્સાહિત કરવામાં આવ્યા.